Page:Marie de France - Poésies, éd. Roquefort, I, 1820.djvu/104

88

LAI DE GUGEMER.

Ensamble gisent è parolent,
E sovent baisent è acolent.
Bien lur covienge del’ sorplus
De ceo que li autre unt en us.
Ce m’est avis, an è demi
Fu Gugemer ensanble od li :
Mut lor délite cele vie^[1],
Mès Fortune qui nes’ ublie,540
Sa roeue turne en petit d’hure,
L’un met desuz, l’autre desure,
Ensi est-il d’aus avenu,
Kar tost furent aparcéu.
Al tans d’esté par un matin
Jut la Dame lès le Mescin^[2] ;
La buche li baise è le vis^[3]
Puis si li dit : biax duz Amis,
Mis quers me dist que jeo vus pert
Ke nus serum en descovert.550
Se vus murez, jeo voil murir :
E se vus en poez partir,
Vus recoverez autre amur,
E jeo remeindrai en dolur.
Jà joie, ne repos, ne pais^[4],
Ne me doint Dix se je vous lais,
Que vers nul autre arai amor !
N’aiez de çou nule paor
Amis ! de ceo m’aséurez,
Vostre cemise me livrez,560

1. Mut fu délituse la vie.

2. Mescin, meschin, mesquin, jeune homme. Au féminin mescine, meschine, mesquine, jeune fille.
3. Vis, le visage, la figure, visus.

4. Dame, fet-il, nel’ dites mès ;
   Jà n’eie-jeo joie ne pès,
   Quant vers nul autre averai retour, etc.