LETTRES INÉDITES repous, vous et tous les vostres puissions louer celuy dont vient tout bien, et le reconnoistre incessaument, ce que fera toute sa vie pour la grace qu’il vous fait
Vostre très humble et très obéissante subjecte et mignonne
MARGUERITE. [ Ms. n° 84.]
LETTRE CXXXV. AU ROI.
(Janvier 1544.) (Le Roi avait envoyé pour étrennes à sa sour um crucifix avec une ballade.)
Monseigneur, sitoust que j’eus despesché Frotté, tant pour respondre à l’honneur et consolacion qu’il vous plest me despartir par le plus agréable coummandement que je saurois recevoir, qui est d’aller voir le comble de mon contentement, et aussy, Monseigneur, pour vous porter chose indigne de vous si la voulonté n’est receue pour estraine, le matin après son partement est arrivé ce porteur avec l’enseigne et l’estandart de toute cherité, lequel, coume de sa nature se donne luy mesmes et vient à nous sans aultre moyen que sa bonté, aussy n’a il voulu estre presenté de Frotté ne de nul que de celle à qui il vous a plen l’envoyer, estimant mes mains indignes encores à le desployer, venant de vous. Et quant j’ay veu une chose si divine, si bien faite, si riche et si excellente
