d’ung costé et M. de Burie de l’aultre ; mais Dieu l’a saulvé de la honte qu’il meritoit. Dieu veuille amener à telle fin tous ses ennemys et les vostres, qui ne sont que ung, et vous continuer en la très bonne santé où j’ay seu que vous estes, et en vostre bonne grace pour très humblement recoumandée (retenir] Vostre très humble et très obéissante subjecte et mignonne
MARGUERITE. [ Ms. n° 120. ]
LETTRE CXXIII. AU ROI.
(1542.) Monseigneur, l’honneur qu’il vous a pleu faire à ce vieux servicteur, tesmoigne tant l’estime de sa suffisance et proudhoumie, qu’il n’a besoing d’aultre recoumandacion que
de la connoissance que vous avez de luy. Si est ce, Monseigneur, que je porte tant d’affecsion à ceux que je treuve de sa condicion envers vous, que je n’ay craint de vous supplier avoir l’honneur de luy et des plus gens de (bien de ] vostre court pour recommandé. Et s’il vous plest luy coummander vous dire la pure vérité de toutes chouses, coume elles sont pas à vous seul il en rendra bon conte. Et combien, Monseigneur, qu’il soit des plus sevères en justice, et que je veuille soustenir ces semblables à moy et à tous aultres, je suis seure que s’il a de
