LETTRES INÉDITES que je puis avoir en ce monde, l’aise que vous auriez d’avoir fait une euvre cheritaible et necessaire pour moy, seroit la recompense qu’il n’est en ma puissance de vous rendre. Mais je supplie celuy qui vous a esleu pour
fere par vous ses grans euvres sactifaire pour moy, en vous donnant après tant d’heureuses et honorables victoires, une ferme paix, en laquelle vostre vie ne soit empeschée de tout le contentement et repous que incessaument vous desire Vostre très humble et très obéissante subjecte et mignonne
MARGUERITE. Ms. n° 42.]
LETTRE CV. AU ROI.
(1540, — avant le 15 juillet’.) Monseigneur, en mon estresme desolacion je n’ay eu que ung seul recomfort : c’est de savoir certainement que jamais le roy de Navarre ny moy n’avons eu aultre desir ny intencion que de vous obéir, non seulement en ung mariaige, mais où vous coumanderez mettre la vie. Mais maintenant, Monseigneur, ayant entendu que ma fille, ne connoissant ne le grant honneur que vous luy faisiez de la daigner visiter, ne l’obéissance qu’elle vous doit, ny aussy que une fille ne doit point avoir de · Le 15 juillet 1540, le duc de Clèves épousa Jeanne d’Albret à Châtellerault
