LETTRES INÉDITES laquelle, n’en pouvant plus dire, se va tant et si très humblement qu’il luy est possible recoumander Vostre très humble et très obéissante subjecte et mignonne
MARGUERITE. [Ms. nº 90.]
LETTRE LXXXVII. AU ROI.
(1537.) ce
(Le roi et la reine de Navarre venaient de quitter le Roi pour retourner chez eux.)
Monseigneur, si je n’ay eu le pouvoir d’avoir pris congié de vous, et vous supplier me tenir pour très
humblement recoumandée en vostre bonne grace, il vous plaira, Monseigneur, recevoir les lermes qui de loing vous dirent adieu, et la lectre pour la parole ; et croire
que, si n’estoit l’esperance que j’ay de vous fere millieur service au lieu là où je voys que je ne vous puis fere icy, il ne seroit en ma puissance, pour toutes les chouses de ce monde, d’esloingner tant de bien, en qui gist tout celuy que je puis avoir. Mais j’ai si grant regret de voir que aux affaires où vous estes, de Navarre et moy, ne vous faisons aultre service, que je ne me repouseray que en quelque endroit nous ne vous fassions connoistre combien nous desirons faire chose qui vous soit agréable. Et si je prends la hardiesse de vous importuner pour vos atlaires, il vous le roy
