LETTRES INÉDITES LETTRE LXXXI.
AU ROI. (Alençon, 1537.
Monseigneur, j’ai receu une lectre qu’il vous a pleu escripre à vos commissaires d’Alençon, où vous leur commandez m’apporter leurs informacions et procedeures pour faire sur icelles exécuter les pugnysions requises. Je croy, Monseigneur, que vous avez pensé faire beaucoup pour moy ; mais je vous puis bien asseurer que c’est tant et tant, que vous ne le pourrez savoir par longue escripture. Car premierement, vous avez ousté ung bruist qui commençoit à courir, que lesdits commissaires estoient allés là pour s’enquerir de tout ce que j’avois fait en la duché despuis douze ans’; d’aultre part, vous avez ousté l’orgueil de ceux qui, après avoir fait contre vous tout le pis qu’ils ont peu, se vantoient d’avoir la victoire de moy, qui, durant vostre prison, les ay tenus en telle crainte que je devois ; vous avez ousté l’opinion que plusieurs avoient, que j’estois si suspecte en cete matiere, qu’il ne vous plesoit vous en fier ny en moy, ny en nul du (sic) duché. Mais, Monseigneur, combien que vous m’ayez fait plus d’honneur que je ve vous eusse ousé demander, et le plus grant et le plus necessaire que j’eusse seu avoir, si en suis je encores plus aise pour Le duc d’Alençon, premier mari de Marguerite, clail mort le 11 avril 1525.
