LETTRES INÉDITES a fait ce que trois médecines eussent seu faire. Et despuis elle a bien dormy, et à cete heure m’a asseurée qu’elle se treuve fort bien, et m’a coumandé que je le vous escripve avecques ses très humbles recommandacions. Parquoy, Monseigneur, obéissant au vostre et au sien coumandement, vous mandant nouvelles de sa bonne santé, suis seure de faire chose qui vous est agréable, qui est le bien de ce monde que plus desire Vostre très humble et très obéissante subjecte et mignonne
MARGUERITE. Ms. nº 129.]
LETTRE LXX. AU ROI.
( ? Fontainebleau ? 1531, avant le 29 septembre.) (Cette lettre peut se rapporter à la dernière maladie de Louise de Savoie..)
Monseigneur, je ne vous saurois dire l’ennuy et la fascherie qui est en cete compagnie, car tout le bien que en vostre absence avons acoustumé d’avoir, qui est Madame, donne plus d’occasion de peine que de contentement. Car l’on voit bien, quelque dissimulacion qu’elle fasse, qu’elle est si changée, que jamais, pour voyaige que vous ayez fait, ne l’ay trouvée de cete sorte. Et s’il vous plest savoir son passe temps, c’est après digner, qu’elle a donné audience, eu lieu de faire ses ouvraiges acoustumés, elle envoye querir tous ceux qui ont quelque mal, soit en jambes, bras Voyez t. I, lettre 99.
