Le texte de cette page a été corrigé et est conforme au fac-similé.
311
DES INNOCENTS.
Qui ont commis cas ſy abominables,
Que de vouloir ton nom aneantir,
Perſecutant tes ſeruiteurs amables,
Leur empeſchant tes promeſſes louables
Faire à chacun & ouyr & ſentir ;
Les contraingnant de parler & mentir
Pour leur proufit, honneur, & auantage.
O Toutpuiſſant, vueille toy conſentir
De mettre à riens ce ſerpentin lignage.
LE IIII. ANGE.
Graces ie rens à ta douceur
Et ſans fin louë ta iustice,
Qui punit d’Herodes le vice,
Et met tes Esluz en lieu ſeur.
LE PREMIER ANGE.
Gloire à iamais te ſoit donnee,
Qui le Petit en hault eslieue,
Et le Grand metzen peine griefue
Par Charité bien ordonnee.
LE II. ANGE.
Honneur ſoit à toy qui eslis
Ceux que le monde à bas repreuue ;
Et ceux que tant à ſon gré treuue
Sont hors de ton liure abolis.
LE III. ANGE.
Louenge ſoit continuelle
v 4 De
