Cette page a été validée par deux contributeurs.
292
DES INNOCENTS.
HERODES.
Voila le bien que ie demande.
LE CAPITAINE.
Depuis deux ans & au deſſoubz,
En Bethleem ny à l’entour
Masle n’y a ; nous ſommes ſaoulz
De frapper. Qui euſt veu les tours
De nous, & des femmes autour,
Il euſt veu cruelle bataille :
Chacune faiſoit ſon destour,
Mais n’y ont fait choſe qui vaille.
HERODES.
Vous me rendez le cœur content,
Et le corps tout remply de ioye.
LE PREMIER TYRANT.
Iamais nul Roy n’en feit autant,
Sire, que vous.
HERODES.
Vien ça, que ie oye
Comment.
LE II. TYRANT.
Vous verriez par la voye
Le ſang courir de tous costez.
HERODES.
Ho, voila plaiſante montioye,
Monstrant les ennemys domtez !
Mais
