Cette page a été validée par deux contributeurs.
291
DES INNOCENTS.
Que le Roy vn tel cas entende ;
Il n’y a ne proufit ny gloire :
Plus auant fault que i’en demande.
Tel en pourra payer l’amende,
Qui eſt cauſe de ma douleur.
LE CAPITAINE, arriuant deuant Herodes.
Le Dieu plein de puiſſance grande
Augmente au roy vie & honneur.
Nous venons de perſecuter
Le païs, du Chriſt la naiſſance,
Et ton vouloir executer ;
Sans auoir de nul congnoiſſance.
Chacun craint ta grande puiſſance ;
Car il n’eſt demeuré vn ſeul
Enfant ſoubs ton obeïſſance,
Qui ne ſoit mort dens ſon linceul.
HERODES.
N’en auez vous vn ſeul ſauué,
Qui me puiſſe mener la guerre ?
LE CAPITAINE.
Si vn ſeul enfant eſt trouué,
Qui ne ſoit par mort mis en terre,
Faites nous en priſon grand’erre
Mener, & mourir pour l’amende ;
Ou Dieu nous tue d’vn tonnerre.
t 2 HEROD.
