Cette page a été validée par deux contributeurs.
287
DES INNOCENTS.
LE PREMIER TYRANT.
Puis qu’il vous ſemble,
Qu’il eſt bon, nous donnerons dedens.
Ca ceſt enfant, qu’il eſt gentil ; Il prend l’enfant.
Baillez le moy bien toſt, m’amye.
LA PREMIERE FEMME.
Làs, monſeigneur, que vous plaiſt il ?
De grand’peur la chair me fremie,
Vous le tuez ! O infamie !
O cruauté qui n’ha ſemblable,
Rendre ainſi la vie endormie
De l’Innocent, qui n’eſt coulpable !
O le fruit de l’arbre,
Tu es comme marbre
Dur, froid, & tranſy ;
Auant qu’estre meur
Le glaiue trop dur
L’homme ſans mercy
Cueilly t’a icy !
LE II. TYRANT.
Baillez ceſt enfant viſtement,
M’amye, car i’en ay affaire.
LA II. FEMME.
Plus toſt ie me lairray vrayment,
Que mon enfant, par vous deffaire.
LE