Cette page a été validée par deux contributeurs.
281
DES INNOCENTS.
De la pourſuyure promptement,
Parquoy, quant à mon iugement,
Mandez vostre grand Capitaine,
Et luy commandez viuement ;
Ce luy ſera plaiſir, non peine.
LE II. DOCTEVR.
Veu le temps qu’apparut l’estoille,
A fin que vous ne faillez point,
Tous les enfans de la mamelle,
Qui ont le deuxieme an ioint,
Et au deſſoubz, voila le poinct,
Il les fault trestous mettre à mort :
Le hault Dieu pouoir vous en doint,
Pour estre vengé d’vn tel tort.
LE PREMIER. DOCTEVR.
En Bethleem ny à l’entour
Ne fault laiſſer enfant viuant,
N’eſpargnez ne ville ne tour,
Mettez à tous la vie au vent.
Mais que lon cerche bien auant,
Masle n’en eſchappera vif :
Vostre Capitaine eſt ſçauant,
Et y ſera bien ententif.
LE II. DOCTEVR.
C’est un homme qui n’ha regard
A nul, fors à vous obeïr ;
s 5 Il ne
