Cette page a été validée par deux contributeurs.
278
DES INNOCENTS.
Vostre enfant, pour le mettre à mort.
Il ne le pourra pas voir ;
Car pouruoir
Y veult Dieu, qui eſt le plus fort.
MARIE.
Amy ſans attendre à demain,
Tous deux nous fault mettre la main
Pour emporter nostre bagage ;
Et l’Enfant tant doux & humain,
Le ſauuant du Roy inhumain
Porteray ; c’eſt mon heritage.
Dieu eſt ma force & mon courage,
Parquoy en luy me ſents ſy forte,
Que ſans trauail en ce voyage
Porteray celuy qui me porte.
IOSEPH.
Allons ſans ſaire nul ſeiour ;
A fin qu’auant le poinct du iour
Soyons hors de ce territoire.
MARIE.
Dieu, viuant en nous par amour,
Fait à ſon Enfant vn tel tour,
Qu’à iamais en ſera memoire :
A luy tout ſeul en ſoit la gloire,
Qui l’Enfant deliure des mains
Du danger, qui ſera notoire,
Du plus