Le texte de cette page a été corrigé et est conforme au fac-similé.
104
comedie.
Pour dechasser du cœur et paour et honte,
Et, quand à moy, je ne puis faire compte
De riens qui soit qui le puisse arracher
Hors de mon cœur.
La II. Fille.
Je ne veux point tascher
De vous oster ceste vertu aymée :
Mais je dis bien, que liberté aymée
Doit estre Amour.
La I. Fille.
Or, pour conclusion,
Vous soustenez Plaisir et Passion
Estre tout un, ce que ne puis entendre ;
Mais Liberté m’a tresbien fait apprendre
Que tout plaisir en elle on peult trouver.
La II. Fille.
Mais c’est Amour qui le fait renouver,
Car quand je puis auprès de moy tenir
Celuy que j'ayme, mal ne me peult venir,
Et tous les maux qui me sont advenuz.
Je ne sçay plus lors qu’ilz sont devenuz.
En ceste Amour et en ce grand plaisir,
La Liberté seule se peult choisir.
