Cette page a été validée par deux contributeurs.
LES LARMES DE S.
Pierre, imitees,
du Tanſille.
AV ROY.
E n’eſt pas en mes vers qu’vne amante abuſee
Des appas enchãteurs d’vn pariure Theſee
Apres l’honneur rauy de ſa pudicité,
Laiſſee ingratement en vn bord ſolitaire,
Fait de tous les aſſaults que la rage peut faire
Vne fidelle preuue à l’infidélité.
Les ondes que i’eſpans d’vne eternelle vaine,
Dans vn courage ſaint ont leur ſainte fontaine :
Ou l’amour de la terre, & le ſoin de la chair
Aux fragiles penſers ayant ouuert la porte,
Vne plus belle amour ſe rendit la plus forte,
Et le fit repentir außi toſt que pecher.
A iij
