Le texte de cette page a été corrigé et est conforme au fac-similé.
Pathelin
Feray et par dieu non feray
que nayez prins voſtre repas
treſ bien. et ſi ne vouldroye pas
auoir ſur moy de quoy payer
au moins viendrez vous eſſaier
quel vin ie boy. voſtre feu pere
en paſſant huchoit bien compere
ou que dis-tu ou que fais tu
mais vous ne priſez ung feſtu
entre vous riches les poures hommes
Le Drappier
Et par le ſang bieu nous ſommes
plus poures
Pathelin
Ouay a dieu a dieu.
rendez vous tantoſt au dit lieu
et nous beurons bien ie men vant
Le Drappie
Si feray ie alez deuant
et que iaye or
Pathelin
Or et quoy doncques
or dyable ie ny failly oncques
non or quil peult eſtre pendu
en dea il ne ma pas vendu
