gentilzhommes de la Religion, luy firent particulièrement apparoir de leur bonne volonté, messieurs le marquis de Galerande, Vidame de Chartres, de Fontrailles, de la Force, de la Barbée de Moulinfrou, de Parabère, lieutenant général en Poictou, de Cargroy, de la Rochegiffard, de Luzignan, de Chouppes, de St Germain, de la Boucherie, de Montmartin, de Pangeaz, de Montglat ; aussy les sieurs de Préaux, gouverneur de Chastellerault, de Constant, gouverneur de Marans, de Nesde[1], maistre de camp, capitaine conte de la Ferrière, gouverneur de Foix, capitaine de Vezins, et infinis autres. Et quant aux seigneurs catholiques, monseigneur de Montpensier luy fist cest honneur de s’offrir à luy, l’adressant pour parent ; madame de Fontevrault, selon son sexe, luy en tesmoigna aussy beaucoup de ressentiment ; monseigneur le connestable l’asseura par lettres de luy en procurer la justice, en parla vertueusement en toutes occasions et y tint la main jusques à la fin ; monsieur le conte de Chiverny, chancelier de France, l’envoya visiter avec très affectionnées offres jusques à Saumur ; monsieur d’Elbœuf, se ressouvenant de quelques bons offices que monsieur du Plessis luy avoit faictz, en voulut prendre revenche avec toute l’affection qui se peut dire ; monsieur de Villeroy, secrestaire d’Estat, particulièrement en fit son faict propre, et n’y obmit chose qui se deust attendre d’un amy ; il se reconnoist aussy obligé à messieurs le mareschal de Boisdauphin, marquis de
- ↑ L’édition de M. Auguis porte : « Mestre de camp, capitaine, comte, gouverneur de Foix…, etc. » Ce qui n’a aucun sens.
