Le texte de cette page a été corrigé et est conforme au fac-similé.
26
DE M. DES ROCHES.
L’abſence me ſeruira don’,
De ce fauorable nüage,
Et voſtre celeſte brandon
Luira ſans fin dans mon courage.
Abſent ie voy ce creſpe d’or,
Qui enuironne voſtre teste,
De vos vertus le beau threſor,
Er vostre grace tant honneste.
I’ayme bien vostre teint vermeil,
Et voſtre bouche coraline,
Mais plus cet Eſprit nompareil
Qui vous fait estimer Diuine.
Vos exercices coutumiers
Me font touſiours en la memoire,
Je donne louange au premiers
Et au derniers ie donne gloire.
Allez ma petite Chanſon
Salüer la belle Amaranthe :
Receuez ame par le ſon
De ſa douce voix qui m’enchante,
I’ay dit gentil Pasteur, ſuyuez donc s’il vous plaist,
Et chantez le plaiſir, qui vostre Ame repaist.
