donna jusqu’à perdre la raison, et à se vanter qu’il boiroit la Mer. Cela fit rire la compagnie. Xantus soûtint ce qu’il avoit dit, gagea sa maison qu’il boiroit la Mer toute entiere, et pour asseurance de la gageure il déposa l’anneau qu’il avoit au doigt. Le jour suivant, que les vapeurs de Bacchus furent dissipées, Xantus fut extremement surpris de ne plus trouver son anneau, lequel il tenoit fort cher. Esope luy dit qu’il estoit perdu, et que sa maison l’estoit aussi, par la gageure qu’il avoit faite. Voila le Philosophe bien alarmé. Il pria Esope de luy enseigner une défaite. Esope s’avisa de celle-cy. Quand le jour que l’on avoit pris pour l’execution de la gageure fut arrivé, tout le peuple de Samos accourut au rivage de la Mer pour estre témoin de la honte du Philosophe. Celuy de ses Disciples qui avoit gagé contre luy triomphoit déja. Xantus dit à l’Assemblée : Messieurs, j’ay gagé veritablement que je boirois toute la Mer, mais non pas les Fleuves qui entrent dedans : C’est pourquoy que celuy qui a gagé contre moy détourne leur cours ; et puis je feray ce que je me suis vanté de faire. Chacun admira l’expedient que Xantus avoit trouvé pour sortir à son honneur d’un si mauvais pas. Le Disciple confessa qu’il estoit vaincu, et demanda pardon à son Maistre. Xantus fut reconduit jusqu’en son logis avec acclamations. Pour récompense Esope luy demanda la liberté. Xantus la luy refusa, et dit que le temps de l’affranchir n’estoit pas encore venu : si toutefois les Dieux l’ordonnoient ainsi, il y consentoit ; partant, qu’il prist garde_au premier présage qu’il auroit estant sorty du logis : s’il estoit heureux, et que par exemple deux Corneilles se presentassent à sa veuë, la liberté luy seroit donnée : s’il n’en voyoit qu’une, qu’il ne se lassast point d’estre Esclave. Esope sortit aussi-tost. Son Maître estoit logé à l’écart, et apparemment vers un lieu couvert de grands arbres. A peine nostre Phrygien fut hors, qu’il apperceut deux Corneilles qui s’abatirent
Page:La Fontaine - Œuvres complètes - Tome 1.djvu/33
Le texte de cette page a été corrigé et est conforme au fac-similé.
27
D’ESOPE.
