Page:La Chanson de la croisade contre les Albigeois, 1875, tome 1.djvu/352

340

[1218]

croisade contre les albigeois.

Ab tant venc vas lo comte cridan us escuders :
8400« Senher coms de Montfort, trop paretz tenhs e ners,
« Huei prendretz grand dampnatge car etz tant sentorers,
« Quels omes de Tholoza an mortz los cavalers
« E las vostras mainadas els milhors soldadiers.
« E lai es mortz Wes. e Thomas e Garniers,
8405« En Simonetz del Caire e i es nafratz Gauters.
« En P. de Vezis, en Aymes, en Rayners
« Contraston la baralha e defendols targiers.
« E si gaires nos dura la mortz ni l’encombriers
« Jamais d’aquesta terra no seretz heretiers. »
8410El coms trembla e sospira e devenc trist e ners,
E ditz : « Al sacrifizi ! Jhesu Crist dreiturers,
« Huei me datz mort en terra o que sia sobrers ! »
E en apres el manda diire als mainaders
Ez als baros de Fransa ez als sieus logadiers
8415Que tuit vengan essems els arabitz corsers.
Ab aitant ne repairan ben .LX. milhers,
El coms denant los autres venc abrivatz primers,
En Sicartz de Montaut el sieus gonfanoners,
En Joans de Brezi en Folcautz en Riquers,
8420Ez apres las grans preichas de totz los bordoners.
E lo critz e las trumpas el corns el senharers,
Lo glazis de las frondas el chaples dels peiriers,
Sembla vens o auratge, troneires o tempiers,
Si qu’en trembla la vila e l’aiga el graviers.
8425E a lor de Toloza venc tals espaventers
Que motz en abateron els fossatz vianders ;

— 8400. tenhs e ners, ms. talieners. — 8407. Ms. baralhas. — 8419. en F., ms. el.