Cette page a été validée par deux contributeurs.
LE VOYAGE DV ROY
appartenant au Seigneur de Malras, & audict lieu feit vn beau feſtin, & vn baſtillon qui eſtoit gardé de bien ſoixante ſoldars, qui incontinent fut pris, par ce qu’ils n’auoyent pas leué leur pont leuis. Cedict iour le Roy alla coucher à Caſtelnauderry, qui eſt belle & bonne ville, ou le Roy feit ſon entree.
| Pour ce iour | ii. lieuës. |
Et le Lundy ving-neufieſme iour dudict mois tout le iour le Roy fut audict lieu, pendant lequel les habitans de la ville donnerent plaiſir au Roy d’vne dance qu’on appelle la Martingalle, ſouz les halles de ladicte ville. Et Puis le Mardy trentieſme iour dudict mois, diſner à Vingnonet, qui eſt belle petite ville, ou le Roy feit entree, Et alla paſſer par Ville franche, qui eſt vne belle petite vil-
