Cette page a été validée par deux contributeurs.
75
PAR SON ROYAVME.
la riuiere d’Eziole par deſſus vn pont de bois, entrant à Ebruſle, qui eſt vne belle petite ville, & belle abbaye de Religieux, en laquelle le Roy diſna, & en ce meſme lieu ledict Sieur ſortit d’Auuergne pour entrer en Bourbõnois, & diſna audit lieu d’Ebruſle, puis apres diſner alla faire ſon entree & coucher à Chantelle le Chaſteau, qui eſt vne petite ville, & beau & fort Chaſteau, que le feu Duc de Bourbon feit faire.
| Pour ce iour | vi. lieuës. |
Et le Vẽdredy cinquieſme iour dudict mois, le Roy partit de Chantelle, pour aller diſner à la Coue, qui ne ſont que deux ou trois maiſons, puis alla coucher à Serre qui n’eſt que vn petit Chaſteau pres Montmarault, qui eſt vne belle petite ville.
| Pour ce iour | iiii. lieuës. |
