lieu que on dit Estruvelin[1], en bataille rangée, et de celle desconfiture la chasse dura par ii jours et ii nuits, et s’enfouit ledit roy d’Angleterre à moult poy de ses gens jusques à Londres ; mais pour tant que ce n’est pas de nostre matere, je m’en tais à tant.
Cil roy qui fut pere à ce gentil roy Edowart avoit deux freres de remariage[2], desquelx l’ung avoit nom le conte Marescaux, et estoit de moult sauvage et desguisée maniere ; l’autre estoit appellé messire Aymé et estoit conte de Cayn, et estoit prœudons, doulx et debonnaire et bien amé de bonnes gens.
Cil roy estoit marié à la fille[3] le beau roy Philippe de France, qui estoit une des plus belles dames du monde et encor est selonc son aage, et eut de luy deux filz et ii filles, desquelz deux filz est l’aisné le gentil roy Edowart, de cui ceste hystoire est encommencée, l’aultre eut nom Jehan d’Althem[4] et morut assez jeune ; l’aisnée fille[5] fut mariée assez jeune au jœune roy David, roy d’Escoce, filz à ce prœu roy Robert, duquel nous avons parlé cy dessus ; l’aultre fille[6] fut mariée au duc Bonnaus[7] (sic) de Guerle, qui
- ↑ Victoire de Stirling ou de Bannockburn remportée par Robert Bruce le 25 juin 1314.
- ↑ Édouard Ier, après la mort de sa première femme, Éléonore, fille de Ferdinand III, roi de Castille (1290), épousa Marguerite de France, fille de Philippe le Hardi, dont il eut Thomas, comte de Norfolk, dit le comte maréchal, parce qu’il était grand maréchal d’Angleterre, Edmond, comte de Kent, et une fille morte en bas âge.
- ↑ Édouard II avait épousé, le 25 janvier 1308, à Boulogne, Isabelle, fille de Philippe le Bel.
- ↑ Jean d’Eltham, comte de Cornouailles.
- ↑ Jeanne.
- ↑ Éléonore.
- ↑ Renaud III, dit le Gros, succéda à son père en 1343.
