grand foison de telx qui doient estre réputé pour souverains prœus entre et dessus tous les aultres, si comme le propre corps du gentil roy, le prince de Galles son filx selonc sa jœunesse, le duc de Lencaste, messire Renais de Coban, messire Watier de Manny, messire Franc de Hale et pluseurs aultres[1] que je ne sçay tous nommer, car, par toutes les batailles que ceulx que j’ay nommé ont esté, ilx ont eu victoire pour eulx par terre et par mer et se sont monstrez si vassaument que on les doibt bien tenir prœuz et oultre prœuz. Maiz pour ce n’en doibvent pas les aultres qui avecques ont esté, pis valoir, car, à verité dire, on doibt bien tenir tous ceulx à prœuz, lesquels en celles batailles si crueuses et perilleuses, dont il y en a eu pluseurs, ont osé demourer jusques à la desconfiture, souffisaument faisans leur debvoir. Et doibt bien souffire de dire : « cil chevaliers fut le mielx faisant en celle bataille là, » et le chevalier nommer et la bataille aussy ; et : « cil aultres chevaliers fist moult bien aussy, et aussy fist cil aultre, » sans attribuer à nulluy proesse mal creable par corps d’omme achever. Et ainsy doibt on recorder de toutes les batailles et entreprises dont on veult faire mencion, car on scet bien que, quant une bataille rengée est assemblée, la fortune est tantost tournée d’un costé ou d’aultre, mais tousjours a de mielx faisans les ungs que les aultres, si les doibt on bien recorder en nommant qui les scet.
Et pourtant que en ces hystoires rimées treuve on grand plenté de bourdes, je veul mectre paine et
- ↑ À ces noms de chevaliers anglais, Froissart a ajouté, dans plusieurs manuscrits, les noms de quelques chevaliers français. (Cf. Froissart, éd. Luce, t. I, p. 211 et 212.)
