moult hounourablement a la guise des fiables[1] crestiens. Encore uisete en le lieu de sa sepulture a moult grant deuoc on.
« En la ditte cite de Cambalech a une maniere de crestiens scismas que on ditNestorins. Ilz tiennent la maniere et la guise des Grieux[2] et point ne sont obeissant à la sainte Eglise de Romme. Mais ilz sont de une autre secte, et trop grant enuie ont sur tous les crestiens catholiques qui la sont obeissant loyaument a la sainte Eglise dessus ditte : et quant ilz arceuesque dont par cy-deuant auons parle ediffia ces abbaies de Freres Meneurs dessus dittes, cil Nestorin de nuit le destruisoient, et y faisoient tout le mal que ilz pouoient. Car ilz ne osoient audit arceuesque ne a ses Freres ne aux autres fiables crestiens mal faire en publique ne en appert, pour ce que ly empereres les amoit et leur monstroit signe damour. Ces Nestorins sont plus de trente mille demourans au dit empire de Cathay, et sont tres-riche gent. Mais moult doubtent[3] et crieinent les crestiens. Ilz ont eglises tres-belles et tresdevotes auec croix et ymaiges en honneur de Dieu et des Sains. Ilz ont du dit empereur pluseurs offices. Et de lui ont ilz grandes procuracions[4], dont on croit que se ilz se voulsissent accorder et estre tout a un auec ces Freres Meneurs, et auec ces autres bons crestiens qui la P demeurent en ce pays, ils conuertiroient tout ce pays et ces empereres a la uraie foy.
