[1606.] —î- 30 JUIN.
Orig. — Papiers provenant des anciennes archives de Lyon, et conservés dans cette ville. Copie
transmise par M. Dupasquier.
A NOS TRES CHERS ET RIEN AMEZ LES PREVOST DES MARCHANDS
` ET ESCHEVINS DE NOSTRE BONNE VLLLE DE LYON.
Tres chers et bien amez, N’ayant point jugé necessaire de pour-
veoir, quant à present, à la charge de nostre lieutenant general au pays
de Lyonnois, qui a vacqué par la mort du s' de Chevrieres, et neant—
moins estant bien convenable qu’il y ayt quelque personne d’auctorité
pour commander en nostre ville de Lyon, et d'autant que le s' de la
Guiche n'y peut pas toujours faire residence ordinaire, nous avons
faict expedier nos lettres de commission au s* de la Baulme, seneschal
de la. seneschaussée de Lyonnois, pour, en l’absence du dict s" de la
Guiche, commander tant en la dicte ville qu’en l'estendue de la dicte
seneschaussée, ainsy que cy-devant a faict en pareille occasion le feu
s' de Bothéon, son predecesseur en la dicte charge de seneschal, ayant
estimé que, à cause de son dict estat, la dicte commission luy est plus
propre et seante qu'à nul autre ; qu’ayant aussy de luy bonne cognois-
_ sance et de ses qualitez et merites, vous aurés d’autant plus agreable
de le voir en la dicte charge, en laquelle nous voulons qu’il luy soit
par vous rendu honneur et respect qui luy estdeu, et que tcniés tous-
jours avec luy toute bonne correspondance, comme nous luy avons
ordonné de faire en vostre endroict le semblable. Donne à Paris, le
dernier jour de juin 1606. -
_ h ronerr.