Depuis la presente escripte j’ay este adverty des desseins que nosdicts ennemis font sur plusieurs villes et places, et jusques aux maisons des particuliers. Par quoy, prenés garde à vous de prés, pour resister à leurs executions. Et faisant ceste postille on m’a envoyé advertissement certain qu’ils veulent attaquer entre cy et mardy la porte du Pin, ce que je ne crois pas. Mais au cas qu’ils le fissent, je vous prie tenir tout le monde prest pour envoyer au secours aussi tost que je le vous manderay.
Copie par devant notaire. – Arch. de M. le vicomte de Puységur, à Rabastens. Envoi de M. Gustave de Clausade, correspondant du ministère de l’Instruction publique.
À MONSR DE PUYSEGUR[1],
Monsr de Puysegur, Parce que je ne desire rien tant que de veoir en mon gouvernement et dans mes terres et seigneuries un bon et asseuré repos, et que chascun soit entretenu en son debvoir tant de l’une que de l’aultre religion, je vous prie vous employer à reposer toute chose en ma ville de Lectoure, et y remettre union et concorde entre mes subjects, à ce que ils me donnent par là occasion de les bien traicter et avec esgalité, comme je le desire, levant de leur part les occasions des doubtes et desfiances : sur ce, priant Dieu vous tenir, Monsr de Puysegur, en sa saincte[2] et digne garde. De Nerac, le septiesme may 1578.
