ner : verbes comme les precedens, auſſi diminutifs que frequentatifs, & deſquels on void aſſez les ſources : dauantage, ils ſonnent par fois, qu’vn tel porte la mine d’vn compagnon à la taſſette, quand ils ſont en humeur comique. Ils diſent outre plus, qu’ils ne s’amuſeroient pas à telles & telles menuës choſettes : ny moy certes à celles-cy, qu’en mon corps deffendãt : quoy que tant de grãds perſonnages que j’ay tantoſt nommez, & de plus Ciceron & Quinctilian que i’auois oubliez d’alleguer, n’ayent pas dédaigné de faire des Liures, ſur les diverſes particularitez de la Grammaire. D’ailleurs, il eſt vray, que des plus hautes & polies Dames de la Cour, appelloient n’agueres, leur trongnette, vne fort belle peinture de ieune fille, rangée en leur cabinet où ie me trouuay.
Qui plus eſt, il y a des Diminutifs ſi fiers & ſi ſuperbes, qu’ils ſurpaſſent leurs Primitifs vrays & certains toutefois. Pour exemple, les Chaſtelets de Paris, vn corſelet, vn gantelet vn armet, viennent de Chaſteaux, corps à veſtir, gand, & armeure : car ceſte piece de teſte eft appellée armer, par diminutif de l’armure entiere, portant ce nom par excellance, d’autant qu’elle couure la plus digne partie de l’hõme. Et ceux qui pretendent comme i’ay ſceu, tirer ce nom, armet, d’elmo, Eſpagnol, feroient bien cette courtoiſie à leur Païs, s’il leur plaiſoit, de tirer pluſtoſt, elmo, d’armet : quant à ce qu’ils deſaduoüent auſſi gantelet pour diminutif de gand, alors qu’ils luy auront trouué quelque origine plus conuenable, ie quitteray celle-là : ce que ie dy pourtant ſans rebuter de tels aduis, qui peuuent eſtre donnez candidement. En ſuitte de nos Diminutifs, qui s’emancipent ſur leurs primitifs, ou qui n’en ont point en la choſe qu’ils denottent, poil folet & demon folet, ſe font ouyr par tout. Et pour eſpargner la peine de diſtinguer plus auant les diminutifs de ce genre, des autres communs, retournons à la maſſe. Il faudroit volontiers pour nous polir à la guiſe de ces Docteurs de nouuelle date, entonner petite ſelle de Iuges, affin de ne dire plus la ſellette, petite courbe
