» Mon esperit n’i poet entendre ;
» Car il ne voelt qu’à une tendre,
» C’est à estre gais et jolis,
» À amer solas et delis,
» Danses, caroles et esbas.
» Compains, à tout ce je m’esbas.
» Si vous pri, laissiés moi ester ;
» Car je ne me yoeil arrester
» À chose de si grant raison.
» Je perderoie ma saison ;
» J’auroie plus chier un chapiel
» Fait de flouretes, bien et bel,
» Donné de dame ou de tousete
» Jone, lie, friche et doucete,
» Que ne feroie tout le sens
» Qui est à Paris ne à Sens. »
Adont me respondi Jonece :
« Certes, compains, en vous n’a teche
» Qui noient face à reprouver.
» Or vous vodroi-je bien rouver
» Se vous savés riens de nouvel
» En nom de joie et de revel.
» Volentiers le vodroie oïr
» Pour nous encor plus resjoïr. »
Et je responc : « Oïl, assés.
» Partons de ci avant passés,
» Et je dirai un virelay
» Pour vostre amour, sans nul delay :
Page:Froissart - Poésies (1829).djvu/401
Le texte de cette page a été corrigé et est conforme au fac-similé.
385
DE JEAN FROISSART.
