« Tant vous en di par mos exprès :
« C’est bon c’a la pais entendés
« Et que ses freres li rendés,
« Parmi ce qu’il iront tous .iiii.
— « De ce ne poront riens abatre — f. 84 c
« En la court dou bon roi Artu,
« Et la, si com la cose fu
« Et chiaus qui oïr les poront,
« Service vous cognisteront,
« Hommage et foy a tous jours mès.
« Vous n’en ferés riens el huimès. »
Dist Florence : « Vous dittes voir. »
Lors s’en revint par estavoir
La dame vers les trettieurs,
Et dist tout, si com li teneurs
De Melyador contenoit.
Li chevaliers, qui demenoit
La parolle a ce Madrigay,
Respondit et dist : « Je ferai
« Relation de vo response. »
La dame pas ne li esconse
Et dist : « Bien me plaist. » A tant partent.
Si chevaucent, point ne se tardent ;
Si sont venu au logeïs
De Madrigai, ce m’est avis :
Si le trouverent moult pensieu.
Adont li compterent dou lieu
Ou il avoient chevauciet,
Comment il en ont esploitiet.
Sur ce s’avise et considere,
Car il faut que ilz et si frere.
S’il voelent issir de dangier,
S’en voisent sans point atargier
En la court dou bon roy Artu,
Et la moustrent par quel argu
Il ont guerriiet sans raison
Page:Froissart - Méliador, tome 2.djvu/66
Le texte de cette page a été corrigé et est conforme au fac-similé.
62
Méliador
