Ne sçai quant il en istera.
Jusc’a tant que l’en ostera
Ses freres, il n’en poet partir.
Tout ce jour furent sans mentir
Ou chastiel moult esleechié ;
De riens ne [se] sentent blechié.
A l’endemain, environ prime,
Melyador, qui bien exprime
La journée qu’il doit avoir,
Pour faire en tous cas son devoir,
S’est armés bien et fricement.
Pas ne volt issir nicement,
Ne mies n’apertient a li :
De terre ens ou cheval salli f. 79 b
— Onques n’en seut gré as estriers — ;
Si estoit ce .i. moult biaus destriers
C’on li avoit laiens bailliet.
Le hÿaume a son point tailliet
Li mist Lansonnès en la tieste.
De son mestre fait cilz grant feste
De ce qu’en bon estat le voit ;
De quanqu’il li fault le pourvoit.
Lors se departent dou chastiel.
La dame ala a .i. crestiel,
Pour mieus veoir la contenance,
La bataille avoec l’ordenance
Qui se fera des .ii. vassaus,
Si com acors va et consaulz.
ne espasse s’est la tenus,
Celi attendans qui venus
N’estoit pas sus le place encor,
Li chevaliers au soleil d’or ;
Mais il vint tout a galopant
Et vent a son cheval hapant,
Page:Froissart - Méliador, tome 2.djvu/45
Le texte de cette page a été corrigé et est conforme au fac-similé.
41
Méliador
