« Il sera bien a vo maniere
« Servis, et de ce n’aiiés soing. »
Et ceste, qui pas n’estoit loing
De sa cambre, y est lors rentrée.
Cestui trueve, a qui pas n’agrée
Li ordenance que la voit,
Et disoit que point ne savoit
Quel cose il doit de cela faire.
Il le reprueve a grant contraire.
Bien dist qu’il n’en sara issir.
La camberiere a grant desir f. 151 b
Que de li festoiier tres bien,
Servir le fait sur toute rien
De tout le bien c’on poet avoir,
Et li a dit ensi, pour voir :
« Maistres, vous revenrés briefment.
« Ouvrés, ouvrés hardiement,
« Car ma dame m’a dit ensi
« Que quant monsigneur devers li,
« Ses peres, le venra veoir,
« Elle fera bien son devoir
« Et tant, car la gist ses argus,
« Que de li serés retenus,
« Et averés sa pension
« Et retour en celle maison. »
Et Agamanor le regarde,
Qui a trop grant dur se retarde
De li descouvrir sa pensée ;
Mais toutes fois en sa visée
Point n’i voit de bonne ordenance.
Ce li fait avoir attemprance,
Voelle ou non ; mais c’est a malaise ;
Car il ne voit riens qui li plaise.
Page:Froissart - Méliador, tome 2.djvu/332
Le texte de cette page a été corrigé et est conforme au fac-similé.
328
Méliador