« Je chevaucai tant en ce nom
« Que je trouvai le chevalier.
« Je m’alay de li acointier
« Moult belement, et se li dis
« M’entention, et se li fis
« Cognoistre voir moult liement ;
« Car il me dist tout quoiement
« Que mies ce n’estoit li freres
« De ma dame. Sur ces materes
« Je chevaucai encor avant,
« Car trouvé avoie en devant,
« Par dedens .i. grant bois ramé,
« .I. chevalier de bleu armé,
« Au quel ossi jousté avoie ;
« Mais il m’abati sus la voie
« Et me bleça au cheoir jus.
« Depuis a moy ne se prist plus
« Qu’il sceut que j’estoie a la fille
« Dou duch Patris, jone et gentille,
« Et adont je li demandai
« Son nom, mes mies je ne l’ay ;
« Soudainnement parti de moy.
« De puis le vi jou au tournoy,
« Qui fu fais devant Signandon,
« En arroy si grant et si bon
« Qu’il conquist le pris et l’onnour. f. 146 c
« Adonques me mis au retour
« Et, quant revenus fui arriere,
« Je recordai a lie chiere
« A ma dame tout mon voiage.
« Elle y entendi comme sage
« Et me rechut moult volentiers ;
« Et bien sachiés c’a ce premiers,
« Par samblant, elle n’en fist compte.
« Mais de puis, si com je vous compte,
« Est entrés en abusions
Page:Froissart - Méliador, tome 2.djvu/313
Le texte de cette page a été corrigé et est conforme au fac-similé.
309
Méliador
