Qui environnent la bataille,
Et dist on : « Avant, chevaliers !
« Vous estes moult bien coustumiers
« De vous maintenir par arroi,
« Sus les camps, en .i. tel tournoy
« Comme cilz ou encor plus grant. »
Evous Agamanor entrant [1]
En une route grande et fiere
Ou nul n’en y a qui ne fiere
De l’espée a tout son pooir.
Agamanor, qui grant voloir
A qu’il se puist contrevengier,
Va encontrer .i. chevalier
De blanc a une noire bende.
Sus li son mautalent amende,
Car telement le porte a terre,
Que li hÿaumes tout jus serre
En terre et les piés contremont,
Ens ou regart dou roy Hermont
Qui le cop grandement prisa.
Agamanor son tour pris a
En [s’en] venant vers Hermondine,
Qui le remoustre a sa cousine
Et dist : « Veci le chevalier,
« Qui devant Tarbonne avanthier, f. 121 b
« Eut le pris, ensi que vous dittes.
« Ce sont coses toutes escriptes
« Qu’il est biaus chevaliers de corps,
« Bien tournïans, hardis et fors,
« Et croi qu’il le conquist de droit. »
Florée qui pas n’en vodroit,
- ↑ 16407–16451. Le premier fragment de A débute par le vers final d’une strophe, auquel succède une strophe de 56 vers, relative à l’épisode qui suit et où l’on ne retrouve que quatre vers donnés ici par B (les vers 16414–16416 et 16419). Nous reproduisons cette strophe à la fin du présent volume.
