au feu de cendre leger par 20. jours. Apres augmentez le feu tant qu’il se sublime, & ce qui sera monté remettez le bas, & ainsi recommencez par tant de fois que tout demeure fixe au fonds. Apres faictes proceder à la dissolution & congelation, selon que nous vous avons enseigné à la médecine en particulier du premier & de mesme façon faictes la profection, & aussi la reduction.
PRenez lequel que vous voudrez des deux luminaires, & le calcinez, selon qu’il est enseigné cy devant : puis ayez autant de soulphre vegetable, ou sel armoniac, qui vaut autant, les triturans ensemble en un petit mortier de verre avec son pilon par longue trituration. Puis le dissoudrez avec le menstruë majeur, selon qu’il vous est enseigné en son Chapitre. Estant dissout le mettez à circuler par l’espace de vingt jours en cendre chaude, mais legere, au bout
