Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/85

dessus par le bain, le bouchant avec son antenos, puis mis en cendres qu’il bouille legerement, puis vous le verserez en un autre vaisseau sagement, de sur la matiere qui vous sera demeurée au fonds, y verserez de nouveau menstruë, recommençant partant de fois qu’elle soit toute dissoute ; par apres tirez l’eau par le bain, c’est à dire le menstruë simple, le mettant à congeler en cendre legere auec son chapeau : laissant exhaler cete petite humidité qu’il avoit en soy, puis augmentant le feu de sublimation, laissant en fin refroidir le vaisseau, & derechef broyez la matiere ; & s’il y avoit quelque partie sublimée, faictes là encores sublimer ensemble avec celle qui est demeurée dessoubs. Et derechef dissoudez auec le mesme menstruë que vous luy avez trié par le bain leger ; & congelez derechef, dissoudant, congelant & sublimant comme dessus, & de cette façon renouvelez par trois fois le magistere, & à la derniere fois donnez luy feu de sublimation, & s’il s’en sublimoit quelque partie, remettez-là bas : par apres resublimez, & recommencer ceste sublimation par-