Page:Flamel - Le Grand Éclaircissement de la Pierre Philosophale pour la Transmutation de tous les métaux, 1628.djvu/4

ment toutes les sciences en general, qu’elles n’ont rien de si caché, qui ne vous soit manifeste. Car avec ce que par la merveilleuse vivacité de vostre esprit, accompagnée d’un solide jugement, & d’une grande Memoire, vous en avez acquis la Theorie parfaite, vous la sçavez si bien reduire en practique, qu’en tous vos Conseils, & en vos discours il s’y remarque je ne sçay quoy d’extraordinaire, qui dans le bon sens se joinct tousjours à l’eminence de la doctrine. Mais ce qui vous faict le plus admirer, Monseigneur, c’est que les ornemens du sçavoir, se rehaussent en vous par les vertus Morales & Chrestiennes, qui dans l’integrité de vostre vie se proposent à tous pour estre imitées. Par elles aussi vos actions sont à l’espreuve de l’envie ; Par elles vostre Ame n’apprehende ny les injures du temps, ny celles de la fortune, & par elles mesme vous