doucement en vn autre vaiſſeau, & le garderez au bain bien bouché, & ainſi vous aurez noſtre menſtruë vegetable & noſtre ciel ſimple, qui a tant de vertu que la langue humaine ne ſçauroit dire. Auec iceluy nous faiſons vraye calcination & diſſolution des deux luminaires par conſeruation de leur humiditez radicales, car il reduit de puiſſance en effect tous les metaux parfaicts & imparfaicts.
Ie ſcay bien, mon fils, que tu trouueras eſtrange que ie n’ay point eſcript la forme du vaiſſeau : mais i’ay laiſſé en voſtre maiſon pluſieurs de mes vaiſſeaux & circulatoires : vn d’iceux y ſera propre.
E[1] merueilleux principe de tous les autres principes de ceſte ſcience eſt du glorieux Mercure vegetable, c’eſt à dire la preparation & lauemens de ſa pretieuſe terre plaine de toute vertu.
- ↑ Nota le chapitre L.
