1. La premiere & principalle matiere des Metaux est, l’humide de l’air meslé avec chaleur que les Philosophes appellent Mercure.
2 Et la seconde est la chaleur seche de la terre, laquelle ils appellent Souphre.
Au grain mesme de froment, il n’y a de semance que la huict cens vingtiesme partie.
La vie des Metaux est le feu, tandis qu’ils sont encore en leurs minieres ; Mais le feu de fusion est leur mort.
La semance n’est autre chose qu’un air congelé en tout corps, ou bien une vapeur humide, lequel s’il n’est resout par une vapeur chaude, il ne sert de rien.
Le Mercure Vulgaire ayant en luy sa propre semance, n’est pas la semence des Metaux, comme le Vulgaire pense.
La vertu se finit tousjours au troisiesme, & se multiplie au second.
L’eau est celeste, & ne moüille point les mains.
La chaleur se joinct facilement à la chaleur & le sel au sel.
