tant le feu & sublimant comme dessus, & ainsi vous ferez tant de fois que vous ayez tiré la troisiesme partie du ferment ou métal susdit dissoult, & que tout demeure fixe au fond & fusible, duquel en mettant sur une lame chaude fondra comme cire, & teindra selon son ferment.
Quand vous aurez les signes susdits, il vous faudra dissoudre ladite médecine & la congeler par trois fois, comme avons dict en la composition de la grande médecine, & lors ferez la protection de mesme qu’avons dit au mesme lieu, en mettant d’icelle une partie sur 100. de metail imparfaict que ce soit ou bien du mercure vulgaire. Et par ce moyen nous avons enseigné le tout, & dit que c’est le menstruë simple, & le menstruë composée. Plus la vraye maniere de reincondir tous les metaux, & les reduire en leur premiere matière, & avec iceluy en faire la vraye transmutation. En ce dernier chapitre la maniere de decuire le mercure vulgaire, ou bien de le reduire en premiere matiere, ou moyenne substance : & outre envoyé tous les Alphabets de
