plus grands pour servir quand on porte le sainct sacrem[en]t aux malades, lesquels ornements et repar[ati]ons seront faictes et parfaictes par l’oeconome du chap[it]re de nostre eglise cathedrale la moitié dans six mois, et l’autre moitié dans une année à compter de ce jourd’huy, exhortant et enjoignant mesme autant qu’il est de nostre pouvoir auxd. consuls de tenir la main à l’execu[ti]on de nostre presente sentence ; et de mesme suite ayant aussi egard à la requi[sit]ion à nous faicte par led. Sr vicaire, avons ordonné que led. oeconome du chap[it]re pourvoira d’une porte avec une bonne serreure à la chambre ou couche sa servante en sorte qu’elle se puisse bien fermer, et ce dans un mois et pour ce qui est de la chambre pour son clerc, que le Sr vicaire dict luy estre absolum[en]t necessere, ordonné qu’il poursuivvra sa demande pour raison de ced. jugem[en]t ou nous avons renvoyé les parties. Delibere à La Gaude dans la maison claustrale le dix-huitiesme novembre de l’année mille six cent soixante dix sept
Louis E[vêque] de Vence
Publié la susd. sen[ten]ce par moy gref[fier] sous[sign]é à Mess[i]re Jean Antoine Artaud vic. en ab[sen]ce de l’oeconome dud. chap[it]re quy n’a rien dict et à Jean Taladouze et François Gerbiers, consuls quy ont dict qu’ils en advertiront leur cons[ei]l. Faict à La Gaude dans la maison claustrale le dix huict novembre mil six cens septante sept.
J.A. Artaud, Guerin, Gerbiers
Laugier
