Page:FRAD006 G1233.pdf/76

Et ayant mandé prendre les consuls pour savoir d’eux si le service estoit bien et decemment faict dans lad. paroisse s'ils avoient quelque plainte a nous faire contre de leur prieur de nous le dire affin d'y prouvoir, ils nous ont seulem[en]t represanté que au terroir dud. Besaudun il y a une chapelle despendente du prieuré de St Antonin laquelle se truve presantement desmolie et quoy quelle aye des bonnes terres desquelles le prieur dud. St Antonin en retire une rente fort considerable ce neantmoings il ne daigne d'y faire ny faire faire aucun service nonobstant qu'il y aye des particuliers qui résident tout l’esté aud. quartier quy sont privés dud. service. Ils nous ont tres humblement requis d'ordonner que lad. chapelle sera rebastie aux fraix et despens dud. prieur de St Antonin et que dans icelle sera teneu et obligé d'y faire ou faire faire le service despuis la croix de may jusque a la croix de septembre ainsy quy se faict dans toutes les autres chapelles des prieurés rurals