par l’ayde de nostredict aumosnier aurions celebré la saincte messe appres laquelle aurions preché au peuple luy faisant scavoir le subjet de nostre visite et ce faict, nous serions retirés dans lad. maison dudict sieur viquere accompagné desd. baile consuls et particuliers plus apparens dud. lieu auxquels aurions dict que s’ils avoint quelque plainte à nous faire touchant les ecclesiastiques ou le service divin de nous le faire scavoir affin d’y prouvoir et appres nous avoir tous humblement remercié, se seroint retirés.
Dud. jour environ une heure appres midi nous nous serions dabondant transportés dans lad. paroisse où tout le peuple estoit assemblé et appres leur avoir faict une exhortation affin de se preparer à recevoir dignement le sacrement de confirmation, nous aurions donné led. sacrement de confirmation à tous ceux qui se sont presantés et qu’avons teuvé capable, et ce faict avons visité le tres sainct sacrement de l’autel qui repose
