nous avoir salué ils nous auroint accompagnés dans la maison dud. prieur que avons prinse pour nostre logis. Et appres nous y estre reposés un petit espace de temps aurions esté revesteu par nostre ausmonier du rochet et camail et nous serions acheminés vers lad. paroisse. Et arrivés à la porte d’icelle y aurions teuvé[1] lesd. Sr prieur baille consuls et autres apparents que nous y attendoint avec le dais et led. Sr prieur revesteu de l’aube estolle et pluvial nous auroit presanté la crois à baiser. Et appres nous nous serions mis dessous le dais et entré processionnellement dans lad. paroisse en chantant l’entiene Sacerdox et pontifex et arrivés au maistre authel appres y avoir faict nostre oraison et prieres accoustumées avons donné la benediction au peuple et faict l’absolution generalle pour les morts tant dans lad. eglise que cimetiere joignant icelle, et ce
- ↑ sic