faut iamais oublier d’en expliquer les ceremonies au 1. poinct ou au troiſiéme.
La Meſſe ſe peut traitter en la meſme façon que les Sacremens,diſant 1. ce que c’eſt,& l’explicatiõ des ceremonies qu’on y garde. 2.On deduit les raiſons qui nous obligent d’y aſſiſter ſouuent & deuotement : Ces raiſons ſe peuuent tirer de l’excellence de la Meſſe, & des myſteres qui s’y operent. 3. On apporte quelques fruicts,ou bien les moyens d’y aſſiſter deuotement, & ainſi des autres ſujets ſpirituels de meſme eſpece, comme ſont l’Oraiſon Mentale,la priere Vocale, les Predications,les Confrairies, &c.
Les ſujets qui regardent les veritez de l’autre monde, comme le Iugement, l’Enfer, & le Paradis, peuuent ſe traitter ainſi, à ſçauoir, reduiſant ſon Sermon en trois parties : Par exemple , 1. qu’il y a vn Enfer : 2.ce que c’eſt,& quel il eſt, 3.les moyens de n’y pas deſcendre ; ou bien les fruicts qu’on peut tirer de ce Sermon.