5. Qu’on s’en retourne modestement apres le Catechisme en sa maison, sans s’amuser à jouër autour de l’Eglise, ny deuant ny apres.
6. Que l’on tasche de repeter en sa maison deuant ses pere & mere ce qu’on aura appris.
7. Tascher d’amener ses compagnons au Catechisme, les excitant de penser au salut de leurs ames.
8. Que tous ceux qui sont du Catechisme s’aiment tendrement comme freres & sœurs, sans se quereller iamais, ny dire aucune injure : Prier Dieu auec affection qu’il conuertisse & touche le cœur de ceux qui n’y viennẽt pas ; mais principalement de ne manquer iamais de prier Dieu soir & matin à genoux deuant son Oratoire auec ses autres freres & sœurs, & tout cela auec affection ; & de faire l’examen de conscience.
9. Faire tout son possible d’estre bien obeyssans à leurs peres & meres.
