La raison de cette disposition est afin que les garçons ainsi au milieu, tombans en quelque petulance (comme il leur est assez ordinaire) ils soient plus facilement empeschez par le maistre, aupres de qui ils sont assis, adjoustez à cela que s’ils estoient derriere les filles, sans cesse ils les importuneroient & feroient souuent du bruit par ce moyen, ce qui interromperoit beaucoup le maistre.
Les enfans ainsi separez on pourroit quelque fois pour leur donner de l’emulation, promettre vn Agnus ou vne Image à deux ou quatre d’vn costé, qui disputeroient contre autant de l’autre, à qui repeteroient mieux toutes les leçons, tantôt d’vn mois, tantôt de trois, & quelque fois de plus si on le iugeoit à propos.
S’il se trouuoit des enfans dans le Catechisme, qui pour ne sçauoir lire ne peussent respondre comme les autres, le maistre les doit interroger simplement & intelligiblement sans s’arrester aux termes qui seroient dans le Catechisme, & leur dire la substance de la leçon succintement, laissant à
