stienne ; ce qui se fera par le Maistre du Catechisme s’il n’y a point d’enfant assez suffisant pour ce faire.
Cette repetition estant faite, faut leur exposer le sujet de la nouuelle leçon en gros & non en destail, simplement & nõ par lõg discours & en forme d’exhortation, & leur recommander l’attention, & l’affection pour apprendre cette leçon si vtile & necessaire à leur salut. Cela fait, il commencera à interroger les enfans sur la matiere du Catechisme les aduertissant de parler haut, & en cas que le nombre du peuple fut grand & qu’il eut peine de voir & entendre, faut faire monter les enfans sur les bancs, pour estre mieux veus & entendus du peuple.
Ayant fait reciter 4. ou 5. enfans plus ou moins, selon la quantité, dire quelque chose sur le texte, tantost quelque comparaison, tantost quelque histoire, ou autre chose, le tout briefuement.
Quand les enfans badinent faut les supporter auec beaucoup de douceur & de patience, par apres les aduertir en general d’estre bien modestes & at-
