tel, & l’importance de son bon-heur ou mal-heur éternel ! Il faut auoir la grace, & estre animé de l’Esprit de Iesvs-Christ pour connoistre ces veritez ; & ceux qui ne les ont pas, agissent en tout materiellement dans toutes leurs fonctions, ainsi que fait un Aduocat qui dresse & fait son plaidoyé. O que le Diable ne redoute gueres telles personnes ! C’est pourquoy celuy qui desire s’employer utilement au salut des autres, doit beaucoup & long temps trauailler auprauant au sien, à l’exemple de tous les Saint, & de Iesvs-Christ mesme, lequel demeura caché & retiré iusques à 30.ans, & n’en voulut prescher que trois seulement ; non pas qu’il eut besoin de cette retraite, mais c’estoit pour nostre instruction : car l’oyseau qui sort de son nid auant qu’auoir les aisles fortes, est en grand danger d’estre pris du Milan : Outre :
Page:Diverses instrvctions povr prescher, catechiser et confesser, Auec les Principaux devoirs d’vn bon cvré.pdf/5
Le texte de cette page a été corrigé et est conforme au fac-similé.
