Le texte de cette page a été corrigé et est conforme au fac-similé.
METHODE SVCCINTE
POVR ENSEIGNER
LE CATECHISME
Aduis generaux.
E Catechiste qui doit au moins estre Lecteur, suiura le Catechisme qui sera ordonné d’estre enseigné dans tout le Diocese par Monseigneur l’Euesque, tant pour les quatre parties de la Doctrine Chrestienne, que pour l’explication des mysteres que l’Eglise celebre à certaines Festes solemnelles. A faute de Catechisme ordonné faut se seruir de ceux qui sont composez & approuuez.
Auparauant que le Catechiste s’applique à cet Office tout diuin, il se recolligera vn peu, tant pour dresser son intention, que pour demander à Dieu la grace pour soy & pour ses Auditeurs, & à ce sujet il inuoquera le S. Patron de la Paroisse, son Ange Gar-
